بغيتي دير مشروع ومعندكش الأفكار هادو بعض النصائح ليك باش تلقى الفكرة المربحة :

~ ما عليك غير تقلب في الأنترنيت على المشاريع الناجحة خصوصا سطارتاب لي يالاه بادين وافكارهم مكينينش في المغرب ولقاو نجاح في الخارج غتسهال عليك القضية حيت غتلقى فكرة واجدة كاملة ماعليك غير تخدم عليها.

~ إلا كانوا عندك فلوس كتار بزاف ما عليك غير تقلب على فرونشيز لي في غالب تتكون شركات منتاشرة في العالم ومكيناش في المغرب معليك غير تواصل معاهم باش تحل فرع ديالهم عندك في المغرب وتتعطيهم نسبة تاع الأرباح تتكون محدة بيناتكم, حجا زوينة في الفرونشيز هي تيوفروا ليك كلشي ما عليك غير تخدم..

~ إلا بغيتي تلقى أفكار متنوعة ومختالفة ما عليك غير تحضر لإيفنت لي خاصة بالمقاولات وتجشيع الشباب على مقاولة بحال ستارتاب ويكاند وغيرها , تما غتلقى بشباب عندوا افكار تقدر تأنسبيرا من فكرة ديالهم , وعلاش لا تكونوا شركاء فشي مشروع.

~ السفر خارج البلاد, بزافت المشاريع جات غير من ناس مشاو شي بلاد وبانت ليهم شي فكرة مكيناش في بلادهم وجاو داروها ونجحات ليهم, في سفر دماغ ديالك تيكون مرتاح وتيتقبل أفكار جديدة ما عليك غير تسافر وتحاول تقلب على أفكار مشاريع جديدة مكيناش في بلادك وتوكل على الله وبدا فيها.

~ مشاهدة البرامج لي تتهتم بي المقاولات وتتشجع الشباب على الإستثمار خصوصا برامج أجنبية ديال مساباقات خاصة بالمقاولات ,غتلقى افكار كتيرة ومتنوعة , غتحفزك وتخليك تأنسبيرا من دوك الأفكار , وتشجعك باش تبدا تا نتا مشروع ديالك.

~ الإستفادة من تجارب الأصدقاء والمعارف ديالك لي بداو في المشاريع يا نجحوا أو فشلوا أهم حاجة عندك هي تعرف كل صغيرة وكبيرة باش متوقعش في مشكل وتقدر إلا كان مشروع ناجح دير بحالوا في مدينتك ولا مدينة اخرى مفيهاش بحال داك المشروع.

~ البحث عن أفكار ناجحة ديال شباب يلاه بادين وخاصهم فلوس , دخل معاهم بنسبة أرباح , هدشي غيخليك تستثمر ونتا متديرش شي مجهود كبير غير تتسنى الأرباح ديالك ونتا مرتاح.

~ الإستثمار في الأنترنيت لي هو المستقبل خاصك تختار تكون عندك خبرة ولا تعلم , خصوصا الا ستتمرتي في عملة رقمية بيتكوين, ولا درتي التجارة الرقمية , هدشي تيبغي الصبر وريسك , وكلما كنتي ذكي وستثمرتي بزاف ربحتي بزاف..

هادو بعض النصائح باش تكون مستعد تبدا مشروع ديالك ونتا مرتاح وعارف فين غتحط فلوسك, يكون في بالك إلا مارسكتيش عمرك غتعلم وفلوسك الا محركتيهمش عمرهم يتزادوا, شكرا لكم.

#brahim_boukhtal

لي بغا كل يوم بحال هد المقلات غتلقاهم فلكروب ها هو ليان ديالو لتحت

_ المجموعة رقم واحد فالمغرب لتعلم التجارة الإكترونية 🔥🔥

_ أكثر من 82 الف مشترك ✅🤗

https://facebook.com/groups/187973518800708/